De haugdüütske Schriewwise, we mäer un mäer in de platdüütske Schriewwise üöwernuomen wät, gait daovan uut, dat de Waodruonen bibehollen wäert.
Auk wan sik de Silwengrense ännert, bliw de Waodruone de sölwige. Daorüm sint viële Üörders naidig. In de platdüütske Spraoke gelt düsse Üörders aower nich. So bliw et
nich uut, dat et to´n grauten Dwaddel in de Schriewwisen kümp. Üm dat an Enne to krigen, döt et sik anbaiden, dat Plat so to schriwen, äs man et häöert. In mien Book is
daorüm dat Postament de Silwe, so äs se küert wät, aon de Waodruone ächter Wiäge to laoten. Dat Like kan´m auk in´t
Neddersaske un in´t Holländske wierfinnen.
Daomet is män een Koppel van Üörders naidig.
| §1 |
Dat iärste Waod van´n Sats, Hauptwäöder un Anküerwäöder wäert graut schriëwen. |
| §2 |
Postament is de Silwe, so äs se küert wät. Ännert sik de Silwengrense, ännert sik auk de Schriewwise.
Bispiële: Baan = Bahn >> Ba·nen = Bahnen stats Baa·nen; Schien = Schein >> Schi·ne =
Scheine stats Schie·ne; Pin = Stift >> Pin·ne = Stifte; plat = flach >> plat·te = flache |
| §3 |
De Waodruone wät nich ächter Wiäge laoten.
Bispiële: Kuorw = Korb stats Kuorf >> Küör·we = Körbe; Kring = Kreis stats Krink
>> Krin·ge = Kreise. |
| §4 |
Wäöder wäert ümmer an de Silwengrense deelt.
Bispiël: Püüs·ter = Gewehr. |
| §5 |
Dat e to´t Langtrecken wät blaus bi dän Egenluut i schriëwen, üm bi handschriëwene Wäöder kien Vöwesseln mit dat ü to
häbben.
Bispiële: Wien = Wein; mien = mein; liek = gleich. |
| §6 |
Dat h to´t Langtrecken wät nich bruukt. |
| §7 |
Langtrockene Egen- un Ümlute wäert an´t Enne van de Silwe eenfak schriëwen.
Bispiële: Ve = Vieh; to = zu; mi = mir; sü = siehe. |
| §8 |
Langtrockene Egen- un Ümlute wäert in afsluotene Silwen un an´n Silwenanfang dubbelt schriëwen.
Bispiële: Muul = Maul; uut = aus. |
| §9 |
För sik küerte Egen- un Ümlute wäert eenfak schriëwen.
Bispiële: A·pe = Affe; a·wat = ach was. |
| §10 |
Kuort küerte Egen- un Ümlute wäert eenfak schriëwen; daodüör sint dubbelt schriëwene Metlute nich naidig.
Bispiële: Ülk = Iltis; of = ob; düt = dies. |
| §11 |
Dat kwette e wät düör een e met een Trema beliekteekt.
Bispiële: guët = gut, Rië·kel = männlicher Hund. |
| §12 |
Dubbelt schriëwene Metlute in ene Silwe giw et nich. |
Met düsse twiälw Üörders laot sik alle platdüütsken Wäöder akkraot schriwen, wan
up dat Vökläören van de
Uutspraoke
uppast wät. Uutnaomen sint nich naidig.
Düt gelt för alle platdüütsken
Tungensliäge, wieldat de Wäöder so schriëwen äs se küert wäert!
|